De Schutteriej

Mientje Verhooren

De Schutteriej trikt doer t durp, t sjteed get te gebuuere.
Vuuer-op de kinjer mit de vlag, in Vaaderlandse kluuere.
Der tusche in de Vaandrig, mit de vereenigings vlag.
Doa-noa de Hiere van t besjtuuer, die gaeve ooch gewag.
De Schutte loope in t gelid, de sjpanning is te sjnieje.
Ze trikke noa de voeggelsjtang, doa gont ze zich bestrieje.
De voegel sjteed in prach en praal, al op de sjtang te wachte.
Waesjut humaaf, wae haed de ier, wae is doa huuj biej machte.

De Schutte scheete om de buuered, de sjtukker van de voegel.
En dan op-ins dan is hae doa, de allerlitste koegel.
Ee luid gejuich geet dan om-hoeg, en dan ze klappe alle.
Omdat de litste sjpaandesj, van de voegel zint gevalle.
De Schutte trikke noa t lokaal, t fies dat kan beginne.

Ze hubbe noe weer vuuer een joar, de Schutte-kuuening binne.
Me kint t zien ze hubbe hum de plaate omgehange.
Noe gont ze hum in t lokaal, mit ee good glaas beer ontvange.

t Geluk vilt ooch waal ins ten deel, de tied haed t gelierd.
Dat biej de schutte op ee joar, eene Keizer wuuerd ge-ierd.
Dae drie joar achteree de voegel haed aaf-geschoate.
Dat is een Schut, eene echte Schut, doa kint me zich op verloate.

De Schutte motte reeglementair, noa Schutte fieste goa.
Mer boave aan de lies kump toch t OUD LIMBURGS, fies te stoa.
Doa truf zich jongk en oud, van Soldaat tot Generaal.
Me kiekt zich doa de ooge oet, van al die prach en praal.
De proomienente hubbe op de iere triebuune plaats genomme.
Ze zint va wied en zied va eueveral gekomme.
Die hiere dont mit hart en ziel, de Vereeniginge regeere.
As dangk dont alle Schutterieje, noe vuuer hun deefieleere.

Vuuer-op zuut me kinjer loop mit de nummer-plaat.
Doa noa de Kuuning, Keizer mit gevolg, gans sjiek, in vol ornaat.
De Schutteriej marscheerd kordaat, wild mit de ier goa sjtrieke.
Went doezende luuj langs de waeg, noa de optocht zin koeme kieke.

Kleurig en fleurig marscheere de Marketensters vuuer-biej.
Keurig wie ummer, t vaetje drangk aan de ziej.
De Vendel-zwaajers de Bielemenkes en de Kanon, zint ooch va de partiej.
En Schutte mit de Doedelzak, huuere ooch biej de Schutteriej.

Doa wuuerd gemarscheerd, gepaaraadeerd, en ooch ge-exerceerd.
Mer zieker good kieke, en doer de juury gejuureerd.
Die kieke lingks, die kieke rechs va vuuere en va achte.
Went de Schutte op de commandos van de Commandant zint aan t wachte.

Es me dan t Commando, Ingerukt marsj huuerd klingke.
Geet de ganse Meute zich aan de teek, gezellig ee glaeske dringke.
Dan wuuerd zich ooch aan t buffet, nog get hartigs gepak.
t Marscheere haed hun meug, duuersjtig en hongerig gemak.

Noa de optoch wuuerd massaal noa de fies-weij gegange.
Doa wuuerd geschoate op de bulkes aan de scheetsjtange.
Doa wuuerd mit kaavelle bewieze, wae t gewaer t biste kint handjeere.
En wae t joar der-noa, t OUD LIMBURGS, mooch organiezeere.

1 augustus 2005

E-card

Geef je beoordeling aan het gedicht: De Schutteriej

Actuele beoordeling: 5,38
Aantal stemmen: 169
Stijger: +0,03
Aantal hits: 4951


Recente gedichten in de categorie Limburgse liefde

Pasfoto
DatumGedicht
29-07-05 ROMANTIEK (zoe es ut vreuger waor)

Lees alle gedichten in de categorie Limburgse liefde


Liefdesgedicht.nl partner: InterDuo Relatiebemiddeling

InterDuo Relatiebemiddeling

Relatiebureau InterDuo relatiebemiddeling is het meest toonaangevende relatiebureau voor Nederlandse en Belgische HBOers en academici. InterDuo is erkend door de BER: Branchevereniging Erkende Relatiebureaus.

Liefdesgedicht.nl partner: Bol.com

Bol.com

Bol.com, de winkel van ons allemaal. Kies uit >10 miljoen artikelen. Snel en vanaf 20,- gratis verzonden!


Liefdesgedicht.nl partner: Books for Singles

Books for Singles

Books for Singles verkoopt geen liefde, geluk of romantiek. Wel is het de gespecialiseerde online bookseller voor boeken over: singles, liefde, relaties, dating en persoonlijke groei. Books for Singles is een initiatief van het erkende relatiebureau InterDuo.

Maak uw keuze

Partners

Gedicht-categorin

Extra